Mostrando entradas con la etiqueta asturias. Mostrar todas las entradas

Cuentista y poeta asturiana que escribe en asturiano. El cuento está recogido en la antología de cuentistas asturianos "QUE NUN SE PIERDA NEL AIRE" editado por el Gobiernu del Principáu d’Asturies con motivo de la Selmana de les lletres asturianes en 2016.

Nesos díes nos qu’acabes frayada y alloriada ye fácil facer coses ensin date cuenta que nun se t’ocurriría facer en público. L’otru día mesmamente, saliendo del trabayu, escapóseme un sonoru suspiru en metá de la calle. Al decatame, miré pa tolos llaos a ver si se sintiera; y cuando yá me taba tranquilizando descubrí asorada qu’un desconocíu s’alloñaba con él enredáu nel pelo. Espavorida, eché a andar detrás d’él, a ver cómo lu recuperaba.
Costábame siguir les galmiaes d’aquel rapazón. Menos mal qu’al poco entró nun bar y quedó na barra, medio sentáu nun taburete, mirando’l periódicu ensin munchu aquel. Tenía que ser rápida, nun fuera que me pillaren o fuere marchar col mio sospiru entá prendíu nes guedeyes. ¿Cómo dexar que les mios preocupaciones, suaños y frustraciones fueren dar en casa ayena, p’acabar marchando per un desagüe? Peor tovía: que-y cayera pel camín y quedaren estrapayaos al pasu de la xente y el tráficu. Garré una paya de plásticu, averéme con tol disimulu, y sorbí fuerte hasta que’l malditu volvió a mi. Na boca quedóme un saboracu a gomina, pero nun m’importó. Volvía a tener la satisfacción de sabeme enllena de resquemores y deseos.

Un poco de pop tranquilo y relajado del grupo asturiano de las hermanas Mar y Alicia Álvarez "Pauline en la playa".

Vídeo grabado en la librería "de papá" (léase literal, José Luis es el padre de Mar y Alicia, no peyorativamente). La librería de José Luis y Chema ya ha servido en más ocasiones como escenario para vídeos musicales (aquí uno de Nosotrash).

La explosión artística de los años 80 del siglo XX fue un fenómeno que alcanzó todos los rincones de España. Sin embargo, muchas veces da la sensación que fue un fenómeno puramente madrileño.
El grupo gijonés fundado por Tete Bonilla, Chema Bazo, Juanjo Mintegui, Julián Cabañas, César Sánchez y José Manuel García es un ejemplo de que muchas cosas se movían fuera de Madrid.
Los dos temas fueron los primeros que grabaron en sigle en 1982.

Nacíu en Xixón el 27 de marzu de 1868, Fabriciano González fexo maxisteriu na Normal d'Uviéu y más tarde Drechu na Universidá (fue alumnu de Leopoldo Alas “Clarín”). Exerció de maestru, profesión qu'alternaba col periodismu, y siendo redactor-xefe d-El Comercio, en 1898 pasa a ser Secretariu del Ayuntamientu de Llaviana hasta-l so retiru en 1919. A partir d'esi momentu dedícase específicamente al periodismu y a la lliteratura. En 1943 foi nomáu Cronista de Xixón y en 1946 niembru de numeru del IDEA. Morrió en Xixón l'1 de payares de 1950.
Foi fundador de La Voz de Laviana y del periódicu El rexionalista astur, portavoz del rexonalismu asturianu de los años venti. Tamién foi fundador de la Real Academia d'Artes y Lletres, de la que foi Secretariu.
Dedicóse especialmente a la poesía y al teatru, xéneros nos que se conocen munches producciones cásique toes festives. Esti relatu suyu ta tomáu de la revista Asturias de L'Habana, onde se publicó el 10 d'avientu de 1918.

Vo cuntavos un cuintu que non ye cuintu, pos oillu de boca de Pachín del Cura, qu'en gloria tea; y Pachín yera home de posu, aplomáu y de verdá decir.
Pos como dicía digo. Allá pela francesada vivíen na Vega de San Andrés Xuanón de la Piquera y el Chepín de la Encarnada; Xuanón yera un vilayu de munchu calter, enzambraor y folixeru, que sólo s'atopaba escurriendo diablures y enlamando peles quintanes función y tararira.
En cambiu, el Chepín yera un berriacu engurriáu, bicáncanu y rebaxuelu; pero entrometíu como llargatesa y permalu como un puzcalabre.
Y asocedió que Xuanón adeprendió per unos cazadores qu'haza'l monte de la Faya mataren un llobu y qu'entovía quedaben la lloba con dos llobinos de cría; y acutió col Chepín, pintó-y el casu, y entramos a dos enlamaron subir allá pela fresca del domingo pa ver si atopaben los llobinos y los baxaben vivos a la Vega.
Allegó'l día y al enriscar l'alba agarró Xuanón la so escopeta de chispa y la fiambrera y col Chepín por perru empobinaron pal monte, que d'entóncenes p'acá apelliden de la «Faya de los Llobos».
Amediáu el camín y metanos d'una camperina al par d'un fonticu, ya que'l vino andaba caro, allugáronse los cazaores pa vaciar la fiambrera y cobrar coraxe y juerza. Desatapóla Xuanón, y al golatiala'l Chepín, arremelló los güeyos y cuspió:
—¡Xuasús! ¡Ansí me fraya un rayu, si denyure caté carne más prieta! ¿Con qué mestranzos l'aperiasti, Xuan?
—Tien daqué de too —arrespondió Xuanón con más fachenda qu'un conceyal ñovatu; y encañudó: —¿Tú nunca prebasti d'esto?
—Nin asemeyao pelo que vego y m'arreciende y más que na peí puntu de la pebre; pero barrunto que tea zárzano de yantar.
—Pos si arrepares formal verás que son dos asaúres, qu'han venimos pintiparaes pa salir avante de la impresa en que nos metiemos.
—Pos fueu y a elles, manque se mos encienda l'embeligru —apuslló'l Chepín, arrembuñando una y fincándo-y los caniles. Mazcáronles a cencielles entramos amigos, esbabayándose de gusto y llimpiando'l focicu a mano güelta; y rutando ensin cumplimientos encañudaron el viaxe fasta dar cola cueva n'onde s'afayaben los llobatos.
Esclucó Xuanón y dixo:
—Bona ocasión. Dende aquí los vego, y la lloba non anda cabo casa. Tú, que yes más menudu, cólate, Chepín.
—Nin más nin menos —apuntó'l Chepín—, qu'hai ende pisaes fresques, y magar tú guardies, vo colame p'algamar los llobinos.
Yera la entra de la llobera cierrada como culu de pita celibata por mor de los vericios, cotolles y raigones de faya, qu'ende s'enduviellaben; y asocedió que furando'l Chepín engolóse-y nos xareyos la gorrumba, que non esbariaba p'alantre nin p'atrás, y piegaba'l probé ca berría que respingaba'l pelame al home de más xera.
Cho-y Xuanón la gavita, pero como si cantara, pos con tantu tirar y arremeter sólo algamó esfelpeyar la ropa ya molía del Chepín, que sudaba de coruxía col fornicu al aire, espernexando como sapu sofitáu nun bárganu; mas Xuanón en so enfotu aleluyaba:
—Non famusgues nin te proveza, Chepín, que sin perdete de güeyu vo a carrenderes a una mayaduca qu'está al pasu en busca d'un focetu o hachu pa cortar les raizones.
Y con esto féxose que corría, entá que'l probé prensáu facía ofiertes a Santu Mederu, glayaba y espatuxaba, gomitando la asaúra y bazcuyando la pastia del fornicu.
Dimpués d'estruir el maxín, allugóse Xuanón muí sele pasiquín a pocu y tocó-y suavice nes yargues col cañón de la escopeta. Sentillo frío'l Chepín, encoyese, inflase y estallar como un cachiparru too fo uno; y por obra y milagru de Xuanón o de Santu Mederu, desenxareyóse y quedó llibre, dexando na cueva media xoroba y el pelleyu de la otra media. Y ¿cómo non, si'l probitu cunto que'l cañón yeren les narices de la lloba?

Mañana, seis de enero, se cumplen veinticinco años del nacimiento de Dixebra, uno de los grupos, junto a Stukas e Ilegales, sin los que sería imposible entender el rock de los últimos treinta años en Asturias.
En sus canciones cabe desde el humor, la reivindicación política y cultural hasta las simples ganas de folixa. Todo ello a ritmo de rock, punk, ska,..., y siempre en asturiano.

Más de veinte años ya de su primer gran éxito. Una canción que no se entenderá si no se está al tanto de la realidad socio-político-cultural de la época en Asturias.


La vaqueirada hecha rock. La voz invitada es la de Xosé Ambás.

Publicado con el permiso del autor.

N'aquellos paseos siempres m'acompañaba una solombra hórrida, la solombra del qu´una vegada maté. Un día díxome: “Crucia l'estragal”. Y aporté. Fui cola solombra hasta onde'l mundu termina y malapenes reina la Muerte. Pasiellos y pasiellos llenos de muertos, solombres tamién, muertos arreyaos a les sos tumbes y a cuerpos terrios y tumefactos. Y ellí presentóme al so Rei, un Hades escuru, un furu de negrura qu'amosaba lo qu'había más allá de la Nada. Una negrura peor que l'ausencia de cualesquier cosa. Una odiosa presencia de lo que nun puede dexar de ser nin de llatir, pero a la que tou derechu se-y negó. Nun teníen estos muertos nin esti Rei derechu a nada, pero, en dalguna plega de la maldita creación, ellos recordaben que non too ye lluz y que les solombres abásnense onde pueden, y que siguen amando y odiando. Qu'odiaren nun m'axorizaba. Pero que pudieren sentir amor, elles, dende la so prieta cripta… Esa idea nun la diba soportar más.

Tú dile a Sarabia que digo yo que la nombre y que la comisione aquí o en donde quiera, que después le explico.
Augusto Monterroso

Sarabia yá sabía. Taba avezáu a esti tipu de mensaxes, d’órdenes más bien. O ye qu’había el más pequenu furacu pa escapar, comu un vientu, ente les fríes palabres con mofla —nun tenía la menor dulda— con que’l secretariu y lu dixo, que diz el xefe que llames a la Srta. Sara Marques pa equí o pa onde ella quiera, que llueu–y explicará.
Y Sarabia yá sabía, anque realmente nun sabía nada. Buscaría’l so teléfonu na llibreta marrón de pelleyu falsu y llamaríala, y citaríala, y amenazaríala (a me na za rí a) pa que tuviera en Ministeriu a una hora afayadiza, preferible non depués de les doce la mañana. El Sr. Ministru solía tener reuniones a eses hores, el Sr. Ministru pegaba’l cuerre a los sos trabayos particulares, a los sos llabores y a otra cosa raposa, pa eso yera’l Sr. Ministru.
Si Sarabia lo fora, faría exactamente lo mesmo, o inda seique aumentaría les hores d’aconceye. Pero Sarabia nun yera Ministru, yera’l Segundu Secretariu del Ministru, pero más d’ún quixera tar abellugáu nel so sitial, ¡home non!
5, 7, 3, 5, 8, 2, 4, 5, foi marcando los números nun de los tres teléfonos que tenía darriba la mesa, y quedó escuchando los pitidinos y el ruxe–rux mecánicu, comu raros burbuxos que l’auricular dexaba escapar. Diga. Ye la Srta. Sara Marques. Sí con quién falo. Mire ye’l Ministeriu de la Guerra y la Muerte, el Sr. Ministru taría encantáu de recibila equí o si usté prefier en dalgún otru llau que yá llueu y explicará. Pues díga–y al castrón del so Ministru que vaya a la mierda que me llame él y si quier veme, la casa cites inda ta nel mesmu llugar de siempre díga–ylo. Y colgó.
Sarabia quedó perplexu agüeyando pal auricular, qu’agora dexaba salir un pitíu llargu y monocorde, comu si allí quedaren los llabios qu’acababen d’aventar aquelles formoses palabres tan desatinaes. Si les llegara a oyer dalgún interesáu, ún de la oposición por exemplu, o la prensa roína, dalgún d’esos periodistuchos con alma d’utre coprófoga... coprófoga (Sarabia rellambióse intelectualmente de lo fino y escoyío del so vocabulariu, quedando pensatible unos curtios segundos sobre los misterios de les palabres, qu’aparecíen rápides y preparaes ensin necesidá de qu’ún les llame, ente los nuesos dientes, masticaes, ente la llingua, comu prestoses del xugu bucal, o inda entovía más rápides que’l nuesu cerebru consciente, ensin necesidá de pronunciales, comu agora–y ocurriera. Son bones rapaces les palabres, dixo pa sí Sarabia recoyendo’l filu anterior de los acontecimientos, comu quien surnia un filín de cuspiu que dexara suspendíu).
Sí, realmente yera un asuntu delicáu ésti, quiciabes por eso’l Ministru–y lu encargara a él. Pero qué poco tientu por parte del Sr. Ministru nun llamalu al so despachu pa ponelu n’antecedentes, enteralu de lo que se cocía ente manes, ser un poquinín más discretu. Claru que’l fechu’n sí dexaba bien a les clares l’esfotu que nél tenía’l Ministru, sinón de qué, enxamás–y encargaríen la tal llamadina de teléfonu. Quién sabe si’l tan merecíu ascensu nun taría yá nes puertes...
Realmente’l Ministru yera un tipu de muchu curiáu, qué histories se traía ente manes el mui fíu de puta, a saber, taba fechu un bon piraván. Arroxáu, enérxicu, echáu p’alantre, eso prestába–ys a les muyeres, non a toes, claru, pero sí a la mayoría. Y anque fora daqué coxu y metíu n’años, je, je, je, ser Ministru, taba claru, yera una gran cura.
Cuandu saliera’l Primer Secretariu, qu’inda taba aconceyáu col Ministru, picaría a la puerta y diría–y comu namás los homes de mundu saben dicir estes coses, lo que pasara. Y yá taba imaxinándo mentalmen te la escena, el Sr. Ministru tres del escritoriu de caoba, llena papeles la mesa, la bandera detrás, roxa y mariella, la foto del rei bien visible, da’l so permisu Sr. Ministru, tuviemos un pequenu contratiempu, je, je, cola famosa llamada, usté yá sabe... A1 dir pechar la llibretina colos teléfonos importantes del Ministru, que tovía taba abierta na mesa, al llau del teléfonu, foi cuandu Sarabia atopó al aldu que, por casualidá, xusto embaxu del apellíu Marques, a ringlera siguida, venía Márquez Sara, Cónsul de Guatemala. Y agora sí, agora llamada y contestación nes siendes previstes.
A Sarabia tremáben–y los esguilaos llabios de papel de fumar, y el sangre nun acababa de volver a la so yá de por sí esfarinada piel. E1 corazón baltía y dando fuertes xostrazos nel pechu y nes vidayes. Qué vergoña, qué ridículu, qué babayura, qué fatada tuviera nun tris de facer descubriendo los trapos puercos del Ministru, y pa más inri dir refregá–ylos perriba’l focicu. Toa una carrera de Secretariu estrozada por una confusión de teléfonu, ¡qué confusión de teléfonu!, por nun saber falar, por nun saber diferenciar ente una z y una s; que desque lleganon los andaluces too yera un xiblíu llargu y monocorde comu’l teléfonu, comu’l pitíu d’un teléfonu colgáu. Porque él taba seguru que y dixera Marques, pero’l filu siempre ruempe per onde más duel y eso yera él, o eso tuviera a puntu de ser de nun ver a tiempu el Márquez con “ssseta”.
Dándo y la espalda a la mesa y al teléfonu, Sarabia agüeyó al través de la ventana perriba del edificiu d’enfrente nun intentu de garrar aire y espantar l’afoguín que lu enllenaba. Un cielu cada vez más chumbizu y densu anunciaba una tambascada de branu.
Cuandu les primeres pingarates picanon na cristalera, Sarabia, yá más tranquilu, copiaba na so axenda una dirección y un teléfonu. Y mirando pal techu, comu si hubiera dalgún insectu cafiante que nun existía, pensaba sorriendo pa dientru qu’esta tarde diba tar daqué ocupáu fiendo de Sr. Ministru porque Sarabia yá sabia…

Este grupo gijonés es, sin duda, uno de los mejores grupos de rock sinfónico o porgresivo (qué manía con etiquetar) español. Es también uno de los más desconocidos. A esto último supongo que contribuyó que grabaran sólo un par de discos y que la movida barriera de la música todo el rock de finales de los setenta. Aunque la formación liderada por Mento Hevia aparece generalmente compuesta por cinco músicos, mi recuerdo (los vi varias veces en directo) es que había algunos más (tengo el recuerdo, era muy muy joven y la memoria me puede fallar, de que cantaba -no sólo en el disco- una vocalista femenina, Cani, que después formó el dúo "Cani y Fredy" y más tarde cantó en Cuélebre, otro grupo histórico del rock asturiano).
Su música, escuchada ahora, recuerda a veces a Jethro Tull y en otros momentos a Camel. Yo tenía su disco "Si todo hiciera Crack", pero es uno de tantos que me han desaparecido con los años.

"Si todo hiciera crack"
Aquçi aparece la voz femenina que yo creo que no era cantante de estudio sino que formaba parte


"Cobarde o desertor"
Todo un himno para quienes se vieron obligados a hacer el servicio militar en la época.


"Marchando una del Cid"

Yá yera tarde. La nueche esmucíase escontra'l fin. Yeren espantibles los amaneceres. Demasiao-y recordáben les nueches de xordia, cuando empalmaba los chigres col tayu. Pero nun yera xordia lo que buscara naquella ocasión. Baxara al pozu por última vegada. Un cartelu de “Prohibíu la Entrada” nun foi trabancu pa él. Diba meses que nun xixilaben. ¿Y qué buscaba? Nun yera carbón, nin dinamita abandonada. Yera una carta. Una murnia carta que-y unviaron va años. La carta nun foi destruyida nel precisu intre en que'l mineru la recibió. Grasienta y prieta, guardóse nel monu azul, y un día cualesquier, ente sudos, foi despintada nun resquiebru qu'él, solo él, conocía. La carta dicía-y que too llegara al so fin. Que la escaeciera. Qu'ella se diba a otra ciudá, bien llueñe de la Cuenca, ellí onde nada se sabe de mineros, de fuelgues, de carbón. Un Adiós que yera como un sable trespasáu.
Daqué, un estrañu pudor, torgáralu faer una bola con aquel cachu papel, insignificante en sí mesmu, pero anubiertu de dolor, papáu en sangre. Y munchos años más tarde, cuando l'allampada xubilación llegó-y, tuvo que baxar. Sí, baxar a aquel pozu escuru, infestáu de mugues, abandonos. La imaxe mesma del pasáu y de les alcordances que s'aguanten a morrer. Yera ventureru, pero conocía aquel dédalu hasta'l más mínimu requexu. Equí, equí siguía'l mesmu resquiebru, ente derrumbes y vigues rotes. Sacó la carta, plegadina con relixosu procuru. Y entós asocedió. Una lluz tenue, cuasi vaporosa, salió del resquiebru y quixo como abrazar el papel y la mano. Y esa nidia lluz blanco foi tomando forma. La forma del so rostru, cuando ella lu besó la última vegada y coyía´l tren con un gayoleru “chao” de despidida, como siempres solía faer. Y la cara moza y llimpia mirába-y con tenrura y murnia. Una murnia tamién llimpia, como solo pue amosar el que se muerre de pena de verdá. Y la apaecía díxo-y entós: “siéntolo. Equivoqué”.
El xubiláu de la mina salió cola carta recuperada nes sos manos. Cuasi yera de día y podíen velu. Agora yá sabía lo que podía faer. Axuntase con ella.


Nota. Publicado con el permiso del autor.

Al esfrecer al amanecerín, vieno la bayura de voces. Vieno, sí, talmente como un exércitu d´almes en pena, enraxonáu y porcaz. Calcaben güelgues de sangre na ñeve y ofendíen a los cielos al pasar pel valle. Empobinaron pel mediu l´aldea y fixeron sonar grandes ruxerruxes. Guardáronse los vecinos, medranosos pola llegada d´esi fríu, d´esi golor, d´esa xentecaya procedente del otru mundu. Los malos díes yá taben equí, y un hibiernu de negrura y maldición taba a piques d´entrar nel mundu los vivos.

Nota. Publicado con el permiso del autor.

Hoy es el "Día de les Lletres Asturianes". Hoy la escritora Berta Piñán tomará posesión como nuevo Miembro de Número de L'Academia de la Llingua Asturiana en reconocimiento a la enorme contribución literaria que ha hecho en el proceso de recuperación lingüística en Asturias.

¿Cómo se diz en uolof la palabra frontera, la palabra patria? ¿Y en soniké? ¿Cómo-y llamáis al desamparu? Si queréis dicir en bereber, por exemplu, “yo tuvi una casa nun arrabal de Rabat” ¿ponéis nesti orde la frase? ¿Cómo se conxuguen en bambara los verbos que lleven al norte, qué axetivos-y cuadren a la palabra mar, a la palabra muerte? Si tenéis que marchar, ¿ye la palabra adiós un sustantivu? ¿Cómo se pronuncia en diakhanké la palabra exiliu? ¿Hai que xuntar los llabios? ¿Duelen? ¿Qué pronomes usáis pal qu’espera na playa, pal que regresa ensin nada? Cuando señaláis p’allá, pa contra casa, qué alverbiu escoyéis? ¿Cómo se diz na vuestra, na nuestra llingua la palabra futuru?

Xuan Bello tal vez sea al escritor en asturiano más conocido fuera de Asturias debido al exito que tuvo la traducción al castellano que hizo de su libro "Hestoria Universal de Paniceiros". Además de poeta es traductor al asturiano de autores como Robert Louis Stevenson o Conan Doyle.

El texto es un extracto del artículo del título, de tipo costumbrista. Se encuentra recogido, junto a otro artículo ("Una boda por amor") en una edición facsimil que la "Academia de la Llingua Asturiana" publicó en 1992 con el título de "Collaboraciones peridístiques". Los artículos originales datan de 1890. El texto está escrito en la variante "asturiano oriental". Aunque ya Jovellanos, en el siglo XVIII, había hecho trabajos sobre diccionario, gramática y ortografía, la realidad es que cuando Enriqueta escribe su obra, no existe lo que podríamos llamar una "ortografía oficial", así que sus textos están escritos con una ortografía que hoy se considera incorrecta, pero que no lo era en su momento.

Serín pocu más de les diez de una mañana del mes de San Xuan, y el sol lluciendo con toos sos rellumbres dexaba caer un calor que fasta a los páxaros–yos quemaba les ales: non se brugaban siquiera les jueyes de los manzanales, nin pa templar el bochornu que jacía. Amiyaba una pinta del aire frescu que vien algunes veces del Pico de Germosu.
En un prau, metá llanu y metá regüetu, segaben dos homes, que parecín padre y jiyu.
El vieyu llámase el Pavu, home que toos conocen, dende Cangues aRibesella, poles truches que piesca, poles madreñes que jaz, y pola joroba que acostina.
Una moza los compañaba que diba esmarañando la erba que ellos dexaben tres de si, y escoyendo el jelechu y los marbiezos y amontonándolo al pie de un manzanal debaxu del cual rumiaba una vaca, que buscando la sombra se había echau allí de pura galvana, y que solmente de vez en cuando solmenaba el rabu pa espantar les mosques que venín emportunala en los formales pensamientos que ternía. Un pocu más alantre estaba el perru del ^IPavu^i, echáu tamién y sacando una cuarta de llengua, sin quitar güeyu de una poriella per la que asemaba el jocicu de les xates que habín dexáu cerrades a l’otra mano: solmentre les que non paraban migaya eran les abeyes, que salín y entraben enos cubos, acarretando los sos manxares, que traían de los romerales cercanos y de les florines que rellucían a la orilla de un regatu que por el prau cruciaba, ruxendo despaciu, dempués de dar güeltes al rodete de un molín, que más arriba se oía, pero que non se vía, porque taba metíu entre un monton de ablanos, alisos y álamos, que alzaben fasta el cielu les quimerites, entre les cuales habín jechu les pegues y los glayos ñeros que solmenaba el vientu sin derribalos.
Pa los que ñon sepian quién é el Pavu, diré–yos que é la vera efixe del aldeanu de Asturies: elli e pescador, e molineru, e carpinteru y llabrador a un tiempu, y el oficiu que más ñumbradía–y dá, é el de jacer madreñes, que les jaz tan repicades y pintades col cuchillu, que en tres llegües a la redonda les moces ñon gasten de otres más que de les suyes. En fin, el Pavu é en isti conceyu una celebridá, pocu menos que los deputaos a cortes, se entiende que éstos pa los del so capote, y el Pavu para los del suyo. Tien un jiyu que pudo llibrar de soldáu, ñon sé por qué, porque sima Dios é un mozu que al dicir de so padre, non hay otru en los siete conceyos.
Ser, é altu como un álamu y trabáu como elli solu, y trátese de xugar á los bolos, de tirar la barra, o de dar una paliza a un compañeru, que, sin mandallo, se entremetió enos sos negocios; digo, que en tou esto non hay, desde la Barca de Unquera hasta Cangues, quién–y lleve el gatu al agua. Suelen tener munches desputes el padre y el jiyu; isti, que yá esta un pocu civilizáu, diz que non se quier casar en todovía, que tiempu tien, y anguna que otra vez suele dicir a so padre que de güena gana se diba pa la Bana, pa ver si salía de miseries y jacía jortuna. Esto é cosa que non puede oír el güen Pavu, pos elli quier que se case cuantu primero, pola mor de que non–y allega la hora de tener quién–y llame “¡guelu! ¡guelu!...” El jiyu mentantu jácese el ronciegu, y acorteja, cuando en una, cuando en otra parte, sin dir arréu a denyuri, y anque Marica la de Anton–y cuece les corbates cada noche que va vela, y Colasa la del Ferreru tien siempre guardada para elli una corexada de ablanes del jornu, elli come les corbates, frañe les ablanes, y ñon adelanta denguna d’ eses razones que dan a les mozes motivu pa dicir; “ve á vete con mio padre”.
(...)

La Selmana de les Lletres Asturianes vien celebrándose dende 1980 na primer selmana del mes de mayu, y dende 1989 solía tar consagrada a un autor o autora importante de la lliteratura asturiana, si bien la XXVI Selmana de les Lletres (2005) ruempe con esta tradición al tar dedicada a la Poesía (Col títulu de Poesía en Movimientu), daqué que se caltuvo tamién nel 2006, añu nel que tuvo dedicada al Teatru (col títulu de Teatru a Escena).

La Selmana de les Lletres carauterízase por ser una fecha señalada pa munches instituciones y estayes estremaes. Asina, los profesores de llingua y lliteratura asturiana acostumen a adaptar les sos clases al autor al que tea dedicada la selmana (o a la manifestación lliteraria nel so casu), y les autoridaes autonómiques implíquense na defensa del idioma. Asina ye que dende los caberos años vienen celebrándose recitales de poesía na Xunta Xeneral o repartos de llibros o DVDs de baldre.

Amás de los munchos recitales de poesía y actos culturales que se celebren per toa Asturies nesta selmana, destaca nella'l Día de les Lletres, que ye'l momentu cimeru de la selmana nel que la presidencia de l'Academia de la Llingua Asturiana da'l so discursu nun actu solemne zarráu pol Himnu d'Asturies nel qu'evalúa la situación xeneral de la llingua y la lliteratura y procédese al nomamientu de los nuevos académicos o académiques. Tamién ye esti día l'escoyíu polos comerciantes llibreros pa facer un 10% de descuentu nos sos llibros, celebrándose n'Uviéu la Feria del Llibru que va dende'l Día del Llibru (23 d'abril) al Día de les Lletres (tamién llamáu Día del Llibru y del Discu n'asturianu). Asinamesmo, la Xunta pola Defensa de la Llingua Asturiana suel entamar una manifestación pola oficialidá del asturianu coincidiendo col Día de les Lletres.

Motivos delles celebraciones de la Selmana de les Lletres fasta'l momentu:
* 1980 - 88 Ningunu
* 1989 Xosé Caveda y Nava
* 1990 Teodoro Cuesta
* 1991 Llorienzu Novo Mier
* 1992 Pepín de Pría (José García Peláez)
* 1993 Fernán Coronas (Padre Galo Fernández)
* 1994 Antón el Chiova (Valentín Rodríguez Ochoa)
* 1995 Xuan María Acebal
* 1996 Marcos del Torniello (José Benigno García González)
* 1997 Manuel Fernández de Castro
* 1998 Xosefa Xovellanos
* 1999 Constantino Cabal
* 2000 Antón de Marirreguera
* 2001 Pachín de Melás
* 2002 María Josefa Canellada
* 2003 Antonio García Oliveros
* 2004 Andrés Solar
* 2005 Poesía Asturiana Contemporanea
* 2006 Teatru Asturianu Contemporaneu
* 2007 Narrativa Asturiana Contemporanea
* 2008 Mª Teresa González
* 2009 Enriqueta González Rubín

Música de mi tierra.

Gaites del infiernu


Muñeires pa Gordon Duncan

El pasado 11 de abril murió Nené Losada, autora en castellano y decana de los escritores en asturiano (ella escribía principalmente fala).

Nota. Publicado con el permiso del autor.