Durmo col sueñu despiertu
como apigarzando.
Escurez aína na miou ventana,
pero empuxa l’amanecida;
quier entrar la l.luz,
peme que nun podrá sin ayuda,
pero’l miou sueñu,
inda despiertu,
nun tien priesa,
siéntese a gustu.
Pola rendixa de la ventana
cólase’l fumu de la l.luz;
a non tardar el fueu,
el de la gran l.luminaria
que calez el día;
tendréi que deixalu entrar,
tien priesa.
A la nueite,
col sueñu despiertu,
volveréi soñar
entre apigarzos.
This entry was posted
on 06 octubre 2008
at 19:10
and is filed under
asturias,
losada,
poesía
. You can follow any responses to this entry through the
comments feed
.
